اتفاق بیتر نا اتفاق ییترآته لریمیزدن قالگن جوده کوپ گوزل سوزلربارکه، اونلرنینگ انغلمی گه انیق بولسک چوقورتوشونچه لرومعمالرنینگ چوزوم لریگه ایگه بولیب کیلماقته لر. بیرلیک و اتفاقلیک گه چاقیرگن شو سوز نی اوزی گه قرگنده، بوکونگی احوالیمیزده قنچه لیگ توغری کیلیشینی پیقب قاله میز. سونگی اوزون پیت لرده مدنیت و سیاست بوییچه کیین قالگنیمیزنینگ اساسی سبب لریدن بیری شوبی اتفاق لیک و ایریم چیلیک دیر. تیل و مدنیتمیز نینگ قیین احوال لرده توشیب قالگنی یوزی دن پارماغ بیلن سنه له دیگان
بیلیمدان و یازوچی لریمیزبارایکن نیگه آلقیش وایش گه تشله ماق ییریده اونلرنی هم چیکه گه چیقاریب قویشیمیزکیرگ؟
اگر میرزا بابر نینگ توغیلگن ییریده بیر اوزبیگ عیالیمیز یازگن گوزل تیگشیریش لری اوچون آلقیش لنیب مدال آله دیلر، بو برچ
میزنینگ قووانچیمیز. تیلیم دیب، خلقیم دیب ایچ کویدیریب یازیب ایجاد ایتگن نیچی ته عیالیمیز بار؟ بو عیال نینگ یازگن کتاب لری و ایجاد ایتگن اثر لری ، اونینگ قنچه لیک بیلگیلی بولیشی نی کورستیب تورگن. ینه اوشه تنقید قیله من دیگن آدم اوزی نیگه علمی نقد و مآخذ بیلن ایتگن سوز لرینی اثبات قیله آلمیدی؟
باشقه بیر ییرده بوتون بایلیگی نی کتاب گه بیریب ، اوروشلرده باله لری دیک تورک مدنیتی و تاریخی بوییچه یازیلگن کتاب لرنی اسرب کیلگن عالم نی باشیمیز گه کوتریشیمیز کیرگ ایمس می؟ محمد گل مومند لرنینگ کتاب کویدیر گن لریدن کیین بیرعالم نینگ مینگ لرچه کتاب ییغیب مدنیت و تاریخیمیز نی سقله شی اوزی بویوک بیر ایش دیر. اونینگ یانیده بولگن کتاب لر تیل و مدنیت میز نینگ قنچه کته بیر بایلیگی بولیشی نی توشونگن میزمی؟
و یا هم آنه تیلی ده یازیب، توشونچه لرینی ایتیب تلویزیون آرقلی ترقتیش گه نیمه عیب بار؟ هربیرعالم من دیب یورگن لر قنچه تیلی و ادبیاتی گه بولگن بورچی نی ادا قیلگنلر؟
بیزهر زمان باشقه لرنی تنقید قیلیب هر بیر ایش نی یمان گه چیقاره میز اما اوزیمیز نینگ نیمه اورنیمیز و نیمه بورچیمیز بولگنیاونوته میز. هر نیرسه گه چیگین تشلب چوزیلیش دن قاچه میز.
تیل و ادبیات کینگ و چوقور بیر دینگیز دیر. بو دینگیز ده هر کیم چومیلیب ینگی سوز و توشونچه اینجو لری نی تاپیشی ممکن. اما نه بو اینجو لر بیته دی و نه کیمسه " بو دینگیز مینی کی و همه سینی ایچه من" دیب ادعا قیله آله دی. هر کیم اوز کوچی و بیلگی سی باریچه بو دینگیز نینگ آقیمی گه اوز اورنینی قوشیشی کیرگ.
مین اوزبیگ وبلاگچیلراویوشمه سینینگ یاردمچی سی بولگنیم اوچون اوز آتیمدن شفیقه یارقین، محمد یعقوب واحدی و فیض الله ایماق لردن قلمپیرآتی ده نامعلوم بیر شخص تمانیدن یازیلیب میندن خبر سیز وبلاگ گه قوییلگن مضمون اوچون عذر تیلیمن و سوز ایرکین لیگی آتیده کیمسه نینگ کیچیگ توشوریشی گه یان باسمیمن. تیل و مدنیتیم اوچون ایش قیلیب حتی که بیر آدیم قویگن هر بیر
کیمسه، مین اوچون قدر لی و حرمت گه سزاوار دیر. مین بیرلیک گه ایشانه من و ینه هم تکرارایته من: اتفاق بیتر نا اتفاق ییتر
فرشته ضیایی بیگیم
Geen opmerkingen:
Een reactie posten